ஆலயம் தொழுவது சாலவும் நன்று என்ற வாக்கிற்கினங்க ஆலயத்தை அமைப்பதின் மூலம் மனித வாழ்க்கையில் ஏற்படும் இன்னல்களுக்கு ஒரு சக்தியை வஸ்துவை மனிதன் உணர்ந்து கொள்ள அமைப்பது ஆலயம் ஆகும். முற்காலத்தில் ஆலயம் தான் மனித வாழ்க்கைக்கு அடிப்படை தேவைகளை மற்றும் வாழ்வாதாரத்திற்கும் ஆலயமே மூலகாரணமாக இருந்தது. நமது ஐந்தொழில்களுக்கும் ஆதார சக்தி ஆலயம் ஆகும். ஜுவ ப்ரம்ம ஐக்கிய தத்வத்தை ஆலயத்தின் மூலம் மனித சக்திற்கு புலப்படாத அரிய மெய் ஞானத்தை எளிமையான முறையில் விஞ்ஞான பூர்வமாக புரிய வைக்கும் தளம் தான் ஆலயம் ஆகும். இந்த பிரபஞ்சத்தை படைத்த கடவுள் விஸ்வகர்மா என்று படைப்பின் காரணமாக விளங்குவதால் காரணப்பெயராக வேதம் போற்றுகிறது. சிருஷ்டிக்கு முன்பு பரப்ரம்மம் ஆகவும் விஸ்வப்ரம்மம் என்றும் வேதமும் ரிஷிகளும் போற்றுகின்றனர். அந்த விஸ்வப்ரம்மம் என்று போற்றக்கூடிய ஆற்றலுக்கு சக்தியாக உணர்வாக அறிய வைப்பது ஸ்ரீ காயத்ரிதேவி ஆகும். இவ்வாறு அதி உன்னதமான இறைவனுக்கு ஆலயம் அமைக்கும் போது பிரபஞ்சம் முழுவதும் வியாபித்திருக்கும் தனது ஆற்றலை நிலைநிறுத்திக் கொள்வதற்கு ஏதுவாகிறது. பிரபஞ்சம் நிலை நின்றால் மனித வாழ்க்கையும் நிலை நின்று சீராக வாழ்க்கைப் பயணம் நடைபெற உதவுகிறது.