என் பெயர் D.முருகேசன் சரவணம்பட்டி விநாயகபுரத்தில் வசித்து வருகிறேன். மேலும் நான் விஸ்வகுல சொந்தங்களுக்காக ஸ்ரீ முருகன் மணமாலை என்ற ஸ்தாபனத்தை உருவாக்கி ஜாதக பரிவர்த்தனை செய்து வருகிறேன். என்னுடைய நீண்ட நாள் கனவு எப்படியாவது நம் இனத்திற்கு ஸ்ரீ விஸ்வகர்மா ஸ்ரீ காயத்ரி தேவி ஆலயம் மிகப்பெரிய அளவில் கோயம்புத்தூர் மாவட்டத்தில் அமைக்கவேண்டும் என்பது. ஆந்திராவில் இருக்கிறது கேரளாவில் இருக்கிறது. ஆனால் தமிழ்நாட்டில் இல்லை என்பது அனைவரும் அறிந்ததே.

நம் விஸ்வகுல சொந்தங்களின் ஆதரவோடு ஸ்ரீ விஸ்வகர்மா ஸ்ரீ காயத்ரி தேவி ஆலயம் கட்டலாம் என்று முடிவெடுத்து உடனடியாக அறக்கட்டளை சாமி பெயரிலேயே ஆரம்பித்து தமிழ்நாடு அரசில் முறையாக 15-11-2022 அன்று பதிவு செய்து பதிவெண்ணும் (246/2022) வாங்கி இப்பொழுது சிறப்பாக செயல்பட்டுக்கொண்டுள்ளது என்பதை மகிழ்ச்சியுடன் இந்த இணையத்தளம் மூலம் அனைத்து சொந்தங்களுக்கும் தெரிவித்துக் கொள்கிறேன்.

மேலும் 10 பேர் கொண்ட அறங்காவலர் குழுவினர் போடிநாயக்கனூர், சின்னமனூர், சிலமரத்துப்பட்டி, தேனி நகரங்களுக்கு சென்று நம் சொந்தங்களிடம் ஆலயப்பணிக்கு ஆதரவு திரட்டினோம். அவர்கள் அனைவரும் இடம் தேர்வு செய்து வாருங்கள். கண்டிப்பாக நாங்கள் நிதி வழங்குகிறோம் என்று கூறியிருக்கிறார்கள். இப்படி தமிழ்நாட்டில் உள்ள ஒவ்வொரு நகரங்களுக்கும் சென்று நம் சொந்தங்களை சந்தித்து ஆதரவு கோரி வருகிறோம். இணையதளம் மூலமும் ஸ்ரீ விஸ்வகர்மா ஸ்ரீ காயத்ரி தேவி ஆலயப்பணிக்கு ஆதரவு திரட்டுகிறோம்.